អ្នកគាំទ្រក្រុមបិសាចក្រហម Manchester United បានបង្ហាញពីកង្វល់ច្រើនទាក់ទងទៅនឹងអនាគតរបស់ខ្សែប្រយុទ្ធ Cristiano Ronaldo បន្ទាប់ពីលោក Ralf Rangnick មកដឹកនាំក្រុម។
United បានស្វែងរកគ្រូបង្វឹកបណ្ដោះអាសន្ន៦ខែសិន មុនពេលសម្រេចចិត្តយកនរណាមកដឹកនាំក្រុមបន្ដនៅចប់រដូវកាលនេះ។ ដោយយប់មិញ ក្លឹបមួយនេះក៏បានសម្រេចចិត្តយកលោក Rangnick គ្រូបង្វឹកសញ្ជាតិអាល្លឺម៉ង់មកចូលរួមដឹកនាំក្រុមហើយ។ លោកនឹងមកកាន់ការងារនៅសប្ដាហ៍ក្រោយនេះ បន្ទាប់ពីរៀបចំឯកសារការងាររួចរាល់នៅអង់គ្លេស។
វត្តមានរបស់គ្រូបង្វឹកសំបូរបទពិសោធខាងលើនេះហើយ ទើបធ្វើឱ្យអ្នកគាំទ្រចាប់ផ្ដើមបារម្ភពីអនាគតកីឡាករមួយចំនួននៅ Man Utd ជាពិសេសខ្សែប្រយុទ្ធ Cristiano Ronaldo តែម្ដង។ បុរសវ័យ៣៦ឆ្នាំនេះវ័យជ្រេខ្លាំងទៅហើយ ស្របពេលគ្រូបង្វឹកថ្មីចូលចិត្តប្រើកីឡាករក្មេងៗស្រាប់ផង ទើបបានជាពួកគេយល់ឃើញថា Ronaldo ទំនងជាមិនសូវមាននាទីលេងឡើយក្រោមការដឹកនាំរបស់គ្រូបង្វឹកវ័យ៦៣ឆ្នាំខាងលើ៕ប្រភព Dailymail
