លោក Ralf Rangnick គ្រូបង្វឹកថ្មីរបស់ក្រុមបិសាចក្រហម Manchester United ត្រូវបានគេស្គាល់ថាជាគ្រូរបស់គ្រូបង្វឹកជាច្រើននាក់នាពេលបច្ចុប្បន្ននេះ ហើយក៏ជាអ្នកកសាងប្រព័ន្ធរបស់វិស័យបាល់ទាត់អាល្លឺម៉ង់ផងដែរ។
បុរសវ័យ៦៣ឆ្នាំខាងលើត្រូវបានគេដាក់ឈ្មោះឱ្យថាជាបិតាបាល់ទាត់អាល្លឺម៉ង់ទៅហើយ ដោយសារតែលោកបានបង្ហាត់បង្រៀនគ្រូបង្វឹកជាច្រើននាក់ ហើយបច្ចុប្បន្នពួកគេក៏កំពុងប្រកបអាជីពតាមក្លឹបនានាផងដែរ។ ដោយសូម្បីតែលោក Jurgen Klopp ដែលកំពុងដឹកនាំ Liverpool លោក Thomas Tuchel កំពុងដឹកនាំ Chelsea និងលោក Nagelsmann កំពុងដឹកនាំ Bayern Munich ក៏ធ្លាប់ហាត់រៀននិងទទួលការណែនាំពីលោក Rangnick ដែរ។
ដោយសារតែល្បីឈ្មោះបែបនេះហើយ ទើបបានជាអ្នកគាំទ្រជឿជាក់ថាគ្រូបង្វឹកសំបូរបទពិសោធខាងលើនឹងធ្វើឱ្យក្រុមបិសាចក្រហម Manchester United ល្អឡើងវិញមិនខាន។ មួយវិញទៀតកុងត្រាដឹកនាំ៦ខែរបស់លោក បើសិនជាឃើញថាបានផលវិជ្ជមាន នោះនឹងទទួលបានកុងត្រាបន្ថែមពីលើ២ឆ្នាំទៀតឯណោះ៕ប្រភព Dailymail
