ក្រុមមាន់ខ្នាយមាស Spurs បានបរាជ័យក្រោមថ្វីជើងក្រុមទើបបង្កើតបាន៩ឆ្នាំ Mura ក្នុងលទ្ធផល ២-១ សម្រាប់ការប្រកួតពានរង្វាន់ Europa Conference League នៅយប់មិញ។
ជារឿងមិនគួរឱ្យជឿមួយដែលក្រុមខ្លាំងនៅអង់គ្លេស Spurs បានបរាជ័យក្រោមថ្វីជើងក្រុមទើបបង្កើតឡើងក្នុងប្រទេសស្លូវេនីក្នុងលទ្ធផល ២-១ បែបនេះ។ ដោយក្នុងការប្រកួត Mura រកគ្រាប់បាល់បានមុននៅនាទី១១ ដោយ Horvat តែក៏ត្រូវប្រធានក្រុម Harry Kane តាមស្មើបានវិញនៅនាទី៧២ផងដែរ។ ការប្រកួតជិតនឹងចប់ទៅហើយ នាទី៩០+៤ Marosa ក៏ថែមគ្រាប់ទី២បានទៀតឱ្យក្រុម Mura ដើម្បីយកឈ្នះក្នុងការប្រកួតខាងលើនេះតែម្ដង។
ជាមួយលទ្ធផលនេះដែរ ក្រុម Spurs ស្ថិតនៅលេខ២ក្នុងពូល G ដោយឆ្លងកាត់៥ប្រកួត ទើបមាន៧ពិន្ទុប៉ុណ្ណោះ។ ក្រុមលេខ១ក្នុងពូលនេះគឺ Rennes ដែលមាន១១ពិន្ទុលេង៥ប្រកួតដូចគ្នា៕ប្រភព Dailymail
