ក្រុមអ្នកមានបុណ្យ FC Barcelona លេងបានត្រឹមស្មើជាមួយក្រុម Benfica ក្នុងលទ្ធផល ០-០ ប៉ុណ្ណោះសម្រាប់ការប្រកួតសន្សំពិន្ទុពានរង្វាន់ UEFA Champions League ។
ក្រុម Barcelona បានព្យាយាមសម្រុកណាស់ដែរ ប៉ុន្តែក៏មិនអាចមានគ្រាប់បាល់នោះទេ ខណៈដែលក្រុម Benfica វិញនោះ មានឱកាសបញ្ចប់ទី១លើកល្អខ្លាំង តែសោកស្ដាយក៏មិនអាចសម្រេចដូចគ្នា។ ចប់៩០នាទី ក្រុមទាំងពីរនេះបានត្រឹមស្មើគ្នា ០-០ សម្រាប់ការប្រកួតទី៥នៃវគ្គសន្សំពិន្ទុនេះ។ ជាមួយលទ្ធផលបែបនេះដែរ ពួកគេនឹងអ៊ុតមើលប្រកួតចុងក្រោយ១ប្រកួតទៀត។
ដោយ Barcelona ពេលនេះមាន៧ពិន្ទុ និងក្រុម Benfica មាន៥ពិន្ទុ។ ប្រកួតចុងក្រោយ Barcelona ប៉ះក្រុមខ្លាំង Bayern Munich ខណៈដែលក្រុម Benfica វិញប៉ះក្រុមខ្សោយ Dinamo Kiev ។ ដូច្នេះបើតាមកាលវិភាគនេះ ក្រុម Barcelona ត្រូវការឈ្នះ Bayern Munich ឬម្យ៉ាងទៀតឱ្យ Benfica ចាញ់ឬស្មើ Dinamo Kiev ទើបក្រុមអ្នកមានបុណ្យបានលេខ២ ឡើងវគ្គ១៦ក្រុមចុងក្រោយបាន៕ប្រភព dailymail
