ខ្សែប្រយុទ្ធ Cristiano Ronaldo និង Sancho រកគ្រាប់បាល់ម្នាក់មួយគ្រាប់ ជួយក្រុម Manchester United យកឈ្នះលើក្រុម Villarreal បានក្នុងលទ្ធផល ២-០។
ការប្រកួតនេះត្រូវរង់ចាំដល់នាទី៧៨ ទើបមានគ្រាប់បាល់កើតឡើង ដោយ Ronaldo ទាត់ផុតដៃអ្នកចាំទីរបស់ក្រុម Villarreal រកគ្រាប់បាល់ទី១។ ខណៈដែលគ្រាប់បាល់ទី២វិញ កើតឡើងដោយ Sancho ជាអ្នកធ្វើបានសម្រេចនៅនាទី៩០ឯណោះ។ លទ្ធផលឈ្នះ ២-០ នេះដែរ បានធ្វើឱ្យក្រុមបិសាចក្រហម Man Utd កក់កៅអីវគ្គ១៦ក្រុមចុងក្រោយបានហើយ។
ដោយពេលនេះ ពួកគេមាន១០ពិន្ទុឆ្លងកាត់៥ប្រកួត ខណៈដែលក្រុម Villarreal វិញមាន៧ពិន្ទុលេង៥ប្រកួតដូចគ្នា។ ក្រុមលេខ៣ Atalanta នោះមានតែ៦ពិន្ទុប៉ុណ្ណោះ និងក្រុមលេខ៤ Young Boys មាន៤ពិន្ទុ។ ការប្រកួតក្នុងពូលនេះ នៅសល់១ប្រកួតទៀតនឹងត្រូវបញ្ចប់ហើយ៕ប្រភព Dailymail
