ដ្បិតបើមកដល់ក្លឹបថ្មី Paris Saint-Germain ហើយក្តី តែយ៉ាងណា Lionel Messi ក៏នៅតែត្រលប់ទៅនិយាយអំពីស្ថានភាពនៃក្លឹប Barcelona ជាពិសេសក្រោយការទើបតែមកដល់នៃអ្នកចាត់ការថ្មី លោក Xavi Hernandez។
បញ្ជាក់ឲ្យដឹងដែរថា Messi និង Xavi ពានចាយពេលរួមអាជីពជាកីឡាករ នៅ Camp Nou បាន ៣៩៩ ប្រកួត ហើយប្រកួតដំបូងរបស់ពួកគេ គឺនៅរដូវកាល ២០០៤-០៥ គ្រា Barcelona តតាំង Espanyol នៅ La Liga។
ខ្សែប្រយុទ្ធក្លឹប PSG បាននិយាយកន្លងទៅនេះថា៖ “Xavi ជាអ្នកចាត់ការដែលដឹងច្បាស់ ស្គាល់ក្លឹបដូចជាផ្ទះខ្លួនឯង ដឹងគ្រប់យ៉ាងនៅទីនោះ តាំងតែពីគាត់នៅក្មេង ដូច្នេះគាត់ជាបុគ្គលដ៏សំខាន់មួយ សម្រាប់កីឡាករក្មេងៗជំនាន់ក្រោយ និងជាបុគ្គលដែលនឹងអាចជួយឲ្យ Barcelona អភិវឌ្ឍប្រសើរឡើង ដោយគ្មានអ្វីគួរឲ្យសង្ស័យទេ”។
យ៉ាងណាពាក់ព័ន្ធនឹងរឿងរ៉ាវនៃការដែលអាចវិលត្រលប់ទៅ Camp Nou ក្នុងនាមជាកីឡាករ ឬតំណែងណាមួយ មិនត្រូវបានកីឡាករអាហ្សង់ទីនខាងលើបង្ហើបនោះឡើយ៕ ប្រភព៖ Sportskeeda