ដ្បិតបើទទួលរងការពិន័យ ត្រូវព្យួរឈ្មោះមិនអាចចូលរួមការប្រកួតនៅវគ្គ Play-off ឲ្យជម្រើសជាតិស៊ុយអែត តែសម្រាប់កីឡាករ Zlatan Ibrahimovic នៅតែបង្ហាញជំហររឹងមាំ ថាសកម្មភាពបង្កកំហុសទៅលើ Cesar Azpilicueta ថ្ងៃមុន គឺជាចេតនាចំៗរបស់ខ្លួន ហើយថានឹងធ្វើម្តងទៀត ដោយមិនខ្លាចការរងពិន័យអ្វីទាំងអស់។
នោះក៏ដោយសារតែ Zlatan ខឹងនឹង Azpilicueta គេលេងខូចមុន គេលេងខ្សែលើមកលើមិត្តរួមក្រុមវ័យក្មេងរបស់ខ្លួន។ លុះដល់ពេលទាត់បាល់ជ្រុង ខ្លួនក៏សម្រេចរត់ទៅបុកស្មាកីឡាករអេស្ប៉ាញមួយទំហឹងឲ្យដួលទៅលើដី។
Zlatan និយាយប្រាប់ The Guardian បែបនេះថា៖ “ខ្ញុំប៉ះទង្គិចជាមួយ Azpilicueta គឺជាចេតនារបស់ខ្ញុំ ដោយខ្ញុំមិនខ្មាសអៀននឹងនិយាយទេ ព្រោះគេធ្វើរឿងឆ្កួតឡប់មុនមកដាក់កីឡាករនៃក្រុមរបស់ខ្ញុំ ហើយខ្ញុំធ្វើបែបហ្នឹងចង់ឲ្យគេយល់ ថាគេមិនអាចធ្វើទង្វើអ៊ីចឹងបានឡើយពេលក្រោយៗ”។
លោកបន្ត៖ “វាមិនសំខាន់ខ្ញុំខកខានការលេងវគ្គ Play-off ទេ សំខាន់ខ្ញុំចង់ឲ្យគេយល់ ហើយបើពេលក្រោយគេនៅតែធ្វើបែបហ្នឹង ខ្ញុំក៏នឹងធ្វើបែបហ្នឹងដាក់គេសារជាថ្មី គឺនឹងធ្វើម្តងទៀត ១០០ ភាគរយ ដោយមិនខ្លាចអ្វីទាំងអស់”៕
ប្រភព៖ BeSoccer