កីឡាករក្នុងក្រុម PSG កំពុងតែទន្ទឹងចាំផ្លូវលោក Zidane មកដឹកនាំក្រុមបន្ដ ជំនួសកន្លែងរបស់លោក Mauricio Pochettino ដែលកំពុងមានចិត្តចង់ចាកចេញ។
ក្រុម Man Utd កំពុងទាក់ទងលោក Mauricio Pochettino ទៅដឹកនាំក្រុម បន្ទាប់ពីបណ្ដេញលោក Ole ចោល។ តែយ៉ាងណា មិនទាន់មានដំណឹងល្អអ្វីកើតឡើងទេ ដោយសារតែលោកជាប់កុងត្រាជាមួយ PSG ។ តែអ្វីកើតឡើងនោះ ប្រភពនៅបារាំងជាច្រើនបានផ្សាយថាអ្នកចាត់ការអាហ្សង់ទីន មិនសប្បាយចិត្តនៅបារាំងឡើយ និងចង់ចាកចេញខ្លាំងទៅអង់គ្លេសវិញ ព្រោះគ្រួសាររបស់លោកក៏នៅអង់គ្លេសដែរ។
ដោយសារតែមើលឃើញបែបនេះ ទើបសមាជិកក្រុម PSG ច្រើននាក់ ចង់ស្វែងរកគ្រូបង្វឹកថ្មីហើយ។ ដោយក្នុងនោះ Zidane ជាបេក្ខភាពដែលពួកគេចង់បានខ្លាំង។ ស្របពេលអតីតគ្រូបង្វឹកក្រុម Real Madrid នេះ ក៏មានបំណងចង់ដឹកនាំក្រុម PSG ដែរ ព្រោះលោកបានច្រាលចោលសំណើររបស់ក្រុមបិសាចក្រហមទៅហើយកន្លងទៅ៕ប្រភព Dailymail
