ក្រោយតែប៉ុន្មានម៉ោងនៃការចាកចេញពីតំណែងរបស់លោក Ole Gunnar Solskjaer ដែលត្រូវបានក្លឹប Man Utd ប្រកាសសម្រេចដកចេញ ក៏ស្រាប់តែអ្នកចាត់ការនៃក្លឹប Ajax លោក Erik ten Hag បានឆ្លើយតប ដើម្បីកុំឲ្យមានការសង្ស័យតទៅទៀត ពីចចាមអារ៉ាមថាលោកមានឈ្មោះជាបេក្ខភាពអ្នកអាចនឹងទៅជំនួស។
គ្រូសញ្ជាតិហូឡង់បានច្រានចោល លែងឲ្យមានការទន្ទឹមរង់ចាំពីអ្នកគាំទ្រ ហើយសង្កត់ច្បាស់ថា នៅតែបន្តផ្តោតជាមួយក្លឹបបច្ចុប្បន្ន ដែលសេសសល់កុងត្រាដល់ចុងខែមិថុនា ឆ្នាំ ២០២៣ ឯណោះ។
បុរសវ័យ ៥៣ ឆ្នាំ ឆ្លើយតបទៅនឹងរឿងរ៉ាវអនាគតរបស់ខ្លួនបែបនេះថា៖ “វាជាសំណួរចម្លែក ដោយខ្ញុំអត់បានទទួល ឬលឺពីសំណើណាមួយ នៃការងារនៅក្លឹប Man Utd នោះទេ ដូច្នេះហើយខ្ញុំអត់បានគិតពីរឿងហ្នឹងទេ ដោយខ្ញុំនៅតែបន្តផ្តោតជាមួយការងារនៅ Ajax ដដែល ក្រៅពីនោះ គ្មានអ្វីត្រូវគិតឡើយ”។
គួរបញ្ជាក់ថា Ten Hag បច្ចុប្បន្នកំពុងតែដឹកនាំ Ajax ទទួលបានជោគជ័យខ្លាំង ដោយនៅលីគក៏ឈរលេខ ១ ហើយក្នុងពូលនៃពានរង្វាន់ UCL ក៏ដូចគ្នាផងដែរ៕ ប្រភព៖ Sportsmole