ក្លឹបបិសាចក្រហម Manchester United មិនទាន់រកបានអ្នកចាត់ការពេញសិទ្ធថ្មីនៅឡើយ ក្រោយដកតំណែងលោក Ole Gunnar Solskjaer កាលពីល្ងាចថ្ងៃអាទិត្យ។ ពេលនេះក្លឹបកំពុងស្ថិតក្រោមការដឹកនាំ ជាបណ្តោះអាសន្នពីជំនួយការចាស់គឺ លោក Michael Carrick ហើយក៏នឹងជាបុគ្គលដែលត្រូវឈរបញ្ជាកីឡាករ នាប្រកួត UCL ពាក់កណ្តាលសប្តាហ៍ខាងមុងផងដែរ។
មានសំណួរឆ្ងល់ថា ប្រសិនណាក្លឹប Man Utd ចង់សម្រេចការចរចាយក Brendan Rodgers ចេញពីក្លឹប Leicester City តើនឹងត្រូវចាយលុយប៉ុន្មាន បើគេនៅជាប់កុងត្រារយៈពេលយូរដែរនោះ? ជាការពិត Rodgers សេសសល់កុងត្រាដល់ចុងខែមិថុនា ឆ្នាំ ២០២៥ តែយ៉ាងណាលើទំហំចំណាយផ្តាច់កុងត្រាមុនកាលកំណត់ គឺ United ត្រូវចាយត្រឹមតែ ៨ លានផោនប៉ុណ្ណោះ។
ទំហំនេះ ច្រើនជាង ០,៥ លានផោន ធៀបនឹងថ្លៃដែល United បានចាយវាយលើការដកតំណែង Ole Gunnar Solskjaer មុនផុតកុងត្រា។ ដូច្នេះបូកសរុបរួមមក ទាំងថ្លៃដក Ole និងចាត់តាំង Rodgers ជាគ្រូថ្មី គឺបិសាចក្រហមត្រូវចាយ ១៥,៥ លានផោន៕
ប្រភព៖ Metro