លោក Zidane មិនមានបំណងចង់ចូលខ្លួនដឹកនាំក្រុមបិសាចក្រហម Manchester United ឡើយ បើទោះជាក្លឹបនេះព្យាយាមទាក់ទងលោកហើយក៏ដោយ។
ក្រុមបិសាចក្រហមបានបណ្ដេញលោក Ole ចេញពីតំណែងហើយ ក្រោយពីដឹកនាំក្រុមមិនបានល្អកាលពីសប្ដាហ៍មុននេះ។ ខណៈដែលពេលនេះពួកគេក៏កំពុងស្វែងរកអ្នកចាត់ការថ្មីមកដឹកនាំក្រុមបន្ដទៀតផងដែរ ដោយក្នុងនោះអ្នកគាំទ្រចង់បានលោក Zidane មកដឹកនាំក្រុមបន្ដ ព្រោះបុរសសញ្ជាតិបារាំងនេះ មានប្រវត្តិដឹកនាំបានល្អណាស់កាលនៅ Real Madrid។
តែបើតាម BBC Sport បានអះអាងច្បាស់ថា Zidane មិនចង់ដឹកនាំក្រុមបិសាចក្រហមនោះទេនៅពេលនេះ។ តែលោកបែរជាមានបំណងចង់សាកល្បងដឹកនាំក្រុម PSG ឯណោះវិញទេ។ ដោយលោកនឹងចូលខ្លួនទៅធ្វើជាអ្នកចាត់ការក្រុម PSG ប្រសិនបើអ្នកចាត់ការ Mauricio Pochettino មកដឹកនាំនៅ Old Trafford ៕ប្រភព Dailymail
