នៅវេលាម៉ោង ១០:១៥ នាទីយប់ថ្ងៃអាទិត្យ ទី ២២ វិច្ឆិកា លើទំព័រ CTS Sports នឹងមានការផ្សាយផ្ទាល់នៅជំនួប Granada ប៉ះ Real Madrid ជាប្រកួតជុំទី ១៣ នៅក្របខ័ណ្ឌ La Liga។ បច្ចុប្បន្នស្តេចសកំពុងឈរលេខ ៣ រីឯក្រុមគូប្រជែងរបស់គេស្ថិតនៅលេខ ១៧ ឯណោះ។
យ៉ាងណាតាមការបញ្ជាក់ជាមុន ពីអ្នកចាត់ការលោក Carlo Ancelotti បាននិយាយពី អវត្តមានកីឡាករលេងតំណែងប្រយុទ្ធ គឺ Eden Hazard ថា ក្រោយចប់ International Break មកវិលលេងប្រកួតដំបូងនេះ គេនឹងអត់បានចូលលេងទេ ហើយមូលហេតុមិនមែនដោយសារតេស្តឃើញ COVID-19 អ្វីនោះទេ តែដោយសារមានជំងឺរលាកក្រពះ។
មិនមានការបញ្ជាក់ច្បាស់ទេ ថាស្ថានភាពជំងឺរបស់គេនឹងត្រូវអូសបន្លាយត្រឹមរយៈពេលខ្លី ឬបែបណា តែជាមួយការបន្តខកខានបែបនេះ ក៏កាន់តែធ្វើឲ្យអនាគតខ្សែប្រយុទ្ធបែលហ្សិក ជាប់មន្ទិលសង្ស័យថានឹងអាចចាកចេញនៅពេលខាងមុខ។ សរុបការបង្ហាញខ្លួនឲ្យស្តេចស អតីតខ្សែប្រយុទ្ធក្លឹបតោខៀវ ទើបតែរកបាន ៥ គ្រាប់ប៉ុណ្ណោះ នៅការបង្ហាញខ្លួន ៥៤ ប្រកួត៕
ប្រភព៖ Sportsmole