លោក Mikel Arteta អ្នកចាត់ការក្រុម Arsenal បានប៉ះទង្គិចគ្នាជាមួយលោក Jurgen Klopp រហូតទទួលបានកាតលឿងម្នាក់មួយក្នុងការប្រកួតនៅយប់មិញនេះ។
ប្រកួតនៅទឹកដី Anfield ក្រុម Liverpool បានយកឈ្នះលើក្រុម Arsenal បានក្នុងលទ្ធផលដល់ទៅ ៤-០ ឯណោះ។ ដោយក្រៅពីលទ្ធផលនេះហើយ ក្នុងការប្រកួតនេះ ក៏មានរឿងអ្នកចាត់ការក្រុមទាំងពីរប៉ះទង្គិចពាក្យសម្ដីគ្នាខ្លាំងផងដែរ។ នៅនាទី៣២ លោក Klopp និង Arsenal បានប្រកែកគ្នាខ្លាំង រហូតដល់មានអ្នកចូលឃាត់ថែមទៀត។ ដោយសារតែទង្វើនេះហើយ ទើបបានជាអ្នកចាត់ការទាំងពីរ ទទួលបានកាតលឿងម្នាក់មួយ។
ចំពោះរឿងនេះដែរ Arteta បានបកស្រាយថាការប្រកែករបស់លោកទៅលើ Klopp គឺមិនខុសអ្វីនោះទេ ព្រោះអ្នកចាត់ការអាល្លឺម៉ង់បានស្រែកការពារកូនក្រុមរបស់គេ ហើយលោកវិញក៏ស្រែកដើម្បីតវ៉ាការពារកូនក្រុមខ្លួនវិញដូចគ្នា។ ដូច្នេះវាមិនមាននរណាជាអ្នកខុសនោះទេ៕
ប្រភព៖ DailyMail