ខ្សែការពារវ័យក្មេងរបស់ក្លឹប Leicester City គឺ Wesley Fofana ពានទម្លាយថា ក្លឹបតោខៀវ Chelsea ដែលជាគូប្រជែងត្រូវប៉ះនៅល្ងាចនេះ ក៏ជាក្រុមមួយក្នុងចំណោមក្រុមឯទៀត នៃក្តីស្រមៃខ្លួនចង់ទៅចូលរួមនៅពេលខាងមុខផងដែរ។
យុវជនវ័យ ២០ ឆ្នាំ បាននិយាយប្រាប់សារព័ត៌មាន Actufoot បែបនេះថា៖ “ក្លឹបក្នុងក្តីស្រមៃរបស់ខ្ញុំ? គឺរួមមានក្លឹប Marseille, Real Madrid, Barcelona ហើយបើនៅ Premier League គឺមាន Chelsea, Man Utd និង Man City តែយ៉ាងណាអ្នកត្រូវតែខិតខំឲ្យបានខ្លាំង ដើម្បីអាចឲ្យក្តីស្រមៃក្លាយជាការពិត ដោយឆ្លងកាត់កិច្ចខិតខំទាំងអស់ ទើបអាចឲ្យអ្នកសម្រេចគ្រប់យ៉ាងបាន”។
គួរបញ្ជាក់ថា ខាងក្លឹប Chelsea ក៏ធ្លាប់មានដំណឹងទាក់ទងទៅ Fofana លើការចង់នាំយកគេចេញពីក្រុមកញ្រ្ជោងខៀវផងដែរ ដ្បិតអីសុពលភាពកុងត្រារបស់ខ្សែការពារកណ្តាលត្រូវផុតនៅចុងខែមិថុនា ឆ្នាំ ២០២៥ ឯណោះ។ សរុបការលេង ៣៨ ប្រកួតឲ្យក្រុមដឹកនាំដោយលោក Brendan Rodgers យុវជនសញ្ជាតិបារាំង រកបាន ០ គ្រាប់និង Assist ១ លើកឲ្យក្លឹប៕
ប្រភព៖ Sportsmole