Dani Alves បានចូលរួមជាមួយក្រុម FC Barcelona វិញហើយ ក្រោយពីបានស្នើសុំខ្លួនមកលេងនៅក្លឹបដើមវិញ ដោយយកតម្លៃពលកម្មត្រឹមតែ១អឺរ៉ូក្នុង១ខែប៉ុណ្ណោះ។
ខ្សែការពារស្លាបខាងលើបានបង្ហាញខ្លួននៅទឹកដី Camp Nou ដោយមានអ្នកគាំទ្រចូលរួមប្រមាណ១ម៉ឺននាក់ឯណោះ។ ក្នុងឱកាសបង្ហាញខ្លួននេះដែរ កីឡាករវ័យ៣៨ឆ្នាំបានប្រាប់ទៅអ្នកគាំទ្រថាការត្រលប់មកវិញលើកនេះមិនមែនមកដើម្បីបង្គ្រប់កិច្ច ឬចំណាយពេលចុងក្រោយនៅ Barcelona នោះទេ។ រូបគេមកដើម្បីចូលរួមប្រយុទ្ធជាមួយក្រុម និងបន្ដប្រជែងយកពានរង្វាន់បន្ដទៀត។
ជាមួយការបានអាវលេខ៨ ដែលជាអាវខ្សែបម្រើសំខាន់ម្នាក់ក្នុងក្រុមនោះ Alves ក៏បានបញ្ជាក់ថាអាយុខ្លួនគ្រាន់តែជាតួលេខប៉ុណ្ណោះ។ រូបគេនៅអាចលេងដល់កម្រិតកំពូលដដែល ដូចបានបង្ហាញកាលលេងនៅអូឡាំពិកក្នុងប្រទេសជប៉ុនអីចឹង។ ដូច្នេះអ្នកគាំទ្រទាំងអស់អាចទុកចិត្តបាន ថារូបគេនៅតែផ្ដល់គ្រប់យ៉ាងដល់ក្រុមដដែល៕ប្រភព Marca
