ក្លឹប Arsenal និង Chelsea បង្ហាញចំណាប់អារម្មណ៍ចង់បានខ្សែប្រយុទ្ធស្លាប Anthony Martial របស់ក្រុមបិសាចក្រហម Manchester United នារដូវកាលដោះដូរកីឡាករខាងមុខនេះ។
លោក Jose Mourinho អាចនឹងលក់ខ្សែប្រយុទ្ធខាងលើនេះចេញ ដោយសារតែរដូវកាលនេះ រូបគេមិនសូវបានជួយក្រុមឡើយ។ មានក្លឹប២ហើយដែលកំពុងចង់បានរូបគេទៅ ដោយក្នុងនោះ Arsenal និង Chelsea កំពុងប្រជែងគ្នា។ ខ្សែប្រយុទ្ធវ័យ២២ឆ្នាំ ក៏មានចិត្តចង់ចាកចេញពី Old Trafford ដែរ ក្រោយអង្គុយកៅអីបម្រុងច្រើន ហើយមិនទទួលបានការទុកចិត្តពីគ្រូបង្វឹក។
Martial មិនត្រឹមតែមានក្លឹបនៅអង់គ្លេសចង់បានទេ សូម្បីតែនៅអ៊ីតាលីក៏ធ្លាប់ដាក់ពាក្យស្នើទិញម្ដងហើយដែរ។ ក្លឹបនៅអ៊ីតាលីនោះគឺ Juventus ប៉ុន្តែគ្រានោះមិនដឹងថាដាក់តម្លៃប៉ុន្មានឡើយ។ ក្រុមបិសាចក្រហមទិញកីឡាករខាងលើក្នុងតម្លៃខ្លួន៣៦លានផោន នាឆ្នាំ២០១៥កន្លងទៅពីក្លឹប Monaco ៕