ក្រុម FC Barcelona ត្រៀមលក់ខ្សែបម្រើ Frenkie de Jong ចេញហើយ ដោយដាក់តម្លៃផ្ដាច់កុងត្រាប្រមាណ៧៥លានផោននៅខែមករាដើមឆ្នាំ២០២២នេះ។
ក្រុមអ្នកមានបុណ្យរំពឹងកសាងក្រុមឡើងវិញក្រោមការដឹកនាំរបស់លោក Xavi ប៉ុន្តែការប្ដេជ្ញាចិត្តនោះ ក៏តម្រូវឱ្យក្លឹបមានប្រាក់គ្រប់គ្រាន់សម្រាប់ចាយវាយទិញកីឡាករថ្មីផងដែរ។ ដោយក្នុងនោះ ប្រភពនៅអេស្ប៉ាញបង្ហើបថាក្រុម Barcelona ត្រៀមលក់ចេញកីឡាករច្រើននាក់ ដែលលោក Xavi មើលឃើញថាមិនសក្ដិសមសម្រាប់ទម្រង់លេងរបស់លោកឡើយ។
ដោយក្នុងចំណោមនោះក៏មានខ្សែបម្រើហុល្លង់ De Jong ម្នាក់ដែរ។ រូបគេជាបេក្ខភាពទី១តែម្ដង ដែលក្លឹប Barcelona ចង់លក់ចេញដើម្បីយកប្រាក់៧៥លានផោនទិញកីឡាករថ្មី។ ហើយក្លឹបដែលចាប់អារម្មណ៍លើរូបគេ គឺ Manchester City របស់លោក Pep ៕ប្រភព Dailymail
