ខ្សែប្រយុទ្ធ Neymar នឹងមិនអាចជួយក្រុមប្រេស៊ីល ប្រកួតជាមួយក្រុមអាហ្សង់ទីនបានទេ សម្រាប់ការប្រកួតជម្រុះ World Cup នៅតំបន់អាមេរិកឡាទីន។
ប្រេស៊ីល បានកក់កៅអីឡើងទៅ World Cup 2022 រូចទៅហើយ និងក្លាយជាក្រុមដំបូងនៅអាមេរិកខាងត្បូងដែលទទួលបានកៅអីនេះ។ ស្របពេលពួកគេក៏ត្រូវប្រកួតបង្គ្រប់កិច្ចដែលនៅសល់ផងដែរ ដោយប៉ះជាមួយក្រុមអាហ្សង់ទីននៅថ្ងៃស្អែកនេះ។ ប្រកួតធំមួយនេះដែរ ខាងប្រេស៊ីល នឹងមិនមានវត្តមានកីឡាករសំខាន់ Neymar នោះទេ ដោយសារតែរូបគេមានបញ្ហារបួសទៅហើយ។
ងាកទៅខាងដៃគូអាហ្សង់ទីនវិញ ឃើញថាពួកគេពេញជើងល្អណាស់។ ខ្សែប្រយុទ្ធ Lionel Messi បានជាសះស្បើយល្មមសម្រាប់ការប្រកួតសំខាន់នេះ។ ដោយគ្រូបង្វឹកអាហ្សង់ទីនក៏បញ្ជាក់ថាប្រធានក្រុម Messi នឹងចូលលេងប្រកួតទល់ប្រេស៊ីលមិនខាន៕ប្រភព៖ MARCA
