លោក Roberto Mancini គ្រូបង្វឹកក្រុមជម្រើសជាតិអ៊ីតាលី ជឿជាក់ថាក្រុមរបស់ខ្លួននឹងបានទៅលេង World Cup 2022 នៅប្រទេសកាតា បើទោះជាបាត់ឱកាសឡើងដោយស្វ័យប្រវត្តិក៏ដោយ។
បន្ទាប់ពីលេងបានត្រឹមស្មើក្រុមអៀរឡង់ខាងជើងក្នុងលទ្ធផល ០-០ ក្រុមអ៊ីតាលី បានត្រឹមលេខ២ក្នុងពូល C ប៉ុណ្ណោះ មិនមានឱកាសដើម្បីឡើងស្វ័យប្រវត្តិនោះទេ។ ដោយស្វីសជាក្រុមលេខ១ បានឡើងទៅលេងនៅ World Cup 2022 ខណៈដែលក្រុមអ៊ីតាលីវិញនឹងត្រូវលេង Play Off ទៀត។
ជាមួយគ្នានេះដែរ លោក Roberto Mancini ដែលជាគ្រូបង្វឹកក្រុមអ៊ីតាលីបានអះអាងថាលោកប្រាកដក្នុងចិត្តថាអ៊ីតាលី នឹងមានឈ្មោះលេង World Cup ឆ្នាំក្រោយនេះ។ ហើយថាមិនត្រូវ អ៊ីតាលី នឹងឈ្នះពានរង្វាន់នេះបានថែមទៀតផង។ ក្រុមអ៊ីតាលី គ្រប់គ្រងការប្រកួតបានសឹងគ្រប់ប្រកួតកន្លងមក ប៉ុន្តែសំណាងមិននៅខាងអ៊ីតាលីឡើយ ដែលធ្វើឱ្យក្រុមរកគ្រាប់បាល់មិនបាន៕ប្រភព៖ DailyMail
