ជារឿងសោកស្ដាយមួយ ដែលក្រុមជម្រើសជាតិអ៊ីតាលី មិនបានឡើងទៅលេង World Cup 2022 ដោយស្វ័យប្រវត្តិទេ ក្រោយពីពួកគេឈរនៅលេខ២ក្នុងពូល C ប៉ុណ្ណោះ។
អ៊ីតាលី មានឱកាសឡើងឈរនៅលេខ១ក្នុងពូលដែរ ប៉ុន្តែនៅយប់មិញពួកគេលេងមិនឈ្នះក្រុមអៀរឡង់ខាងជើង ដោយបញ្ចប់ក្នុងលទ្ធផល ០-០។ ស្របពេលក្រុមស្វីសវិញ បានយកឈ្នះលើក្រុមប៉ុលហ្គារី ៤-០ ទទួលបានឱកាសវ៉ាក្រុមអ៊ីតាលី ឡើងលេខ១ទៅហើយ។ ដូច្នេះស្វីសជាក្រុមឡើងទៅលេង World Cup 2022 ដោយស្វ័យប្រវត្តិ ស្របពេលក្រុមអ៊ីតាលីដែលនៅលេខ២នោះ មានឱកាសលេង Play Off ។
ដោយការលេង Play Off នេះដែរ នឹងមាន១០ក្រុមចូលរួម ដែលជាក្រុមលេខ២តាមពូលនីមួយៗ។ ក្រុមទាំង១០ នឹងប្រកួតគ្នាដើម្បីស្វែងរក៣ក្រុមឡើងទៅលេង World Cup 2022 នៅប្រទេសកាតាបាន៕ប្រភព៖ DailyMail
