ក្រុមបាល់ទាត់ជម្រើសជាតិអង់គ្លេស បានលត់ក្រុមខ្សោយបំផុតនៅអឺរ៉ុប សាន់ម៉ារីណូ បានក្នុងលទ្ធផល ១០-០ ឯណោះសម្រាប់ការប្រកួតជម្រុះ World Cup ចុងក្រោយក្នុងពូល។
អង់គ្លេសប្រាកដក្នុងចិត្តណាស់ថាពួកគេនឹងឈ្នះការប្រកួតទល់ក្រុមសាន់ម៉ារីណូនេះ។ តែអ្វីដែលធ្វើឱ្យអ្នកគាំទ្រសឹងមិនជឿនឹងភ្នែកនោះ គឺពួកគេរកគ្រាប់បាល់បានដល់ទៅ១០គ្រាប់ឯណោះក្នុងការប្រកួតនេះ ដោយវាខកខានកើតមានឡើងជាង៥០ឆ្នាំមកហើយ ដែលអង់គ្លេសរកបានគ្រាប់បាល់ដល់២ខ្ទង់បែបនេះ។ ស្របពេល១០គ្រាប់នៅយប់មិញ មានចំណែករបស់ខ្សែប្រយុទ្ធ Harry Kane ដល់ទៅ៤គ្រាប់ផងដែរ។
ដោយប្រកួតចុងក្រោយដែលអង់គ្លេសស៊ុតបាន១០គ្រាប់នោះគឺនៅឆ្នាំ១៩៦៤ ដោយកាលនោះពួកគេបានយកឈ្នះលើក្រុមអាមេរិក ក្នុងលទ្ធផល ១០-០ ដែរ នៅទីក្រុង New York ៕ ប្រភព៖ DailyMail
