ក្រុម Juventus បានបរាជ័យក្រោមថ្វីជើងរបស់ក្រុម Sassuolo ក្នុងលទ្ធផល ១-២ សម្រាប់ការប្រកួតពានរង្វាន់ Serie A នៅយប់មិញនេះ។
បើទោះជាលេងនៅទឹកដីខ្លួនឯងមែន ប៉ុន្តែក្រុម Juventus ហាក់ដូចជាធ្វើមិនបានល្អនោះទេ។ ពួកគេត្រូវក្រុម Sassuolo នាំមុខមុននៅនាទី៤៤ ដោយ Frattesi ក្នុងតង់ទី១។ ឈានដល់តង់ទី២ ក្រុមរបស់លោក Allegri ក៏រកគ្រាប់បាល់តាមស្មើវិញបានដោយ McKennie នៅនាទី៧៦។ ជិតនឹងចប់ការប្រកួតទៅហើយ នាទី៩០+៥ Lopez ក៏រកគ្រាប់បាល់យកឈ្នះឱ្យក្រុម Sassuolo បានទៀត។ ចប់ការប្រកួត Juventus 1-២ Sassuolo ។
ជាមួយលទ្ធផលបរាជ័យនេះបានធ្វើឱ្យក្រុមខ្លាំង Juventus បន្ដឈរនៅពាក់កណ្ដាលតារាងដដែល ដោយនៅលេខ៧ មាន១៥ពិន្ទុឆ្លងកាត់១០ប្រកួត។ ក្រុមកំពូលតារាង Inter Milan មានរហូតដល់២៨ពិន្ទុទៅហើយ៕ប្រភព Dailymail
