ក្រុម Bayern Munich បានស្គាល់បរាជ័យ ៥-០ ជាលើកដំបូងក្នុងរយៈពេល៤៣ឆ្នាំចុងក្រោយនេះ ក្រោមថ្វីជើងក្រុម Borussia Monchengladbach ក្នុងពានរង្វាន់ German Cup ។
សម្រាប់ការប្រកួតនេះដែរ ក្រុមម្ចាស់ផ្ទះ Borussia Monchengladbach ធ្វើបានល្អខ្លាំងណាស់ ដោយពួកគេបិទមិនឱ្យក្រុម Bayern Munich ធ្វើអ្វីចេញនោះទេ។ ផ្ទុយទៅវិញ ការវាយបកមួយៗរបស់ Monchengladbach ពិតជាមានប្រសិទ្ធភាព ដោយរកគ្រាប់បាល់បានជាបន្ដបន្ទាប់រហូតដល់ទៅ ៥គ្រាប់ឯណោះ។ ដោយចប់ការប្រកួតក្នុងពានរង្វាន់ German Cup នេះ Monchengladbach យកឈ្នះក្រុម Bayern បានក្នុងលទ្ធផល ៥-០។
នេះជាបរាជ័យធំបំផុតលើកដំបូងរបស់ក្រុម Bayern Munich ហើយក្នុងរយៈពេល៤៣ឆ្នាំចុងក្រោយនេះ ដែលរបូតគ្រាប់បាល់ដល់ទៅ៥គ្រាប់នោះ៕ប្រភពDailymail
