លោក Ronald Koeman ត្រូវបានក្លឹប Barcelona សម្រេចបញ្ចប់តំណែងហើយ ក្រោយពីលងចាញ់ក្រុម Rayo Vallecano ក្នុងលទ្ធផល ១-០ នៅលីគ La Liga ។
អ្នកចាត់ការសញ្ជាតិហុល្លង់ខាងលើនេះ ត្រូវបានគេមើលឃើញថានឹងត្រូវដកចោលតាំងពីដើមរដូវកាលម្ល៉េះ គ្រាដែលលោកដឹកនាំក្រុម Barcelona មិនបានល្អទាំងនៅលីគ និងក្នុងពានរង្វាន់ UEFA Champions League ។ ខណៈដែលឈានដល់ការប្រកួត El Clasico ទល់ក្រុម Real Madrid មិនបានល្អថែមទៀតនោះ កាន់តែធ្វើឱ្យលោក Koeman ពិបាករក្សាតំណែងលើសដើមហើយ។
ចាញ់ Rayo នៅយប់មិញ១ប្រកួតទៀត ល្មមសម្រាប់ក្រុម Barcelona ដើម្បីសម្រេចចិត្តច្បាស់ដកលោក Koeman ចោលហើយ។ លោកដឹកនាំក្រុមបានរយៈពេល១៤ខែផងដែរ៕ប្រភព Marca
