ខ្សែបម្រើ Marco Verratti បានរងរបួសអំឡុងប្រកួតជាមួយក្រុម Marseille ដែលនឹងធ្វើឱ្យរូបគេអវត្ដមានពីទីលានប្រមាណ៤សប្ដាហ៍ឯណោះ។
កីឡាករសំខាន់ក្នុងក្រុមខាងលើនេះ បានចូលលេងឱ្យក្រុម PSG ប្រកួតទល់ក្រុម Marseille ដែលជាការប្រកួតបញ្ចប់ទៅក្នុងលទ្ធផល ០-០។ ក្រោយពីលេងប្រកួតនេះ កីឡាករអ៊ីតាលីខាងលើបានរងរបួសត្រកៀកដែលតម្រូវឱ្យសម្រាកយ៉ាងតិចក៏៤សប្ដាហ៍ដែរ។ វានឹងធ្វើឱ្យតំបន់កណ្ដាលរបស់ក្រុមអ្នកមានបារាំងនេះ ខ្វះខាតផងដែរ ត្បិតអី Verratti ជាកីឡាករសំខាន់ចែកបាល់ជាងគេ។
ក្រុម PSG ក៏បានបញ្ជាក់ពីការមិនទាន់អាចលេងបានរបស់ Sergio Ramos ផងដែរ។ ខ្សែការពាររូបនេះ តាំងពីផ្លាស់ពីក្រុម Real Madrid មក រូបគេនៅមិនទាន់អាចលេងបាន១ប្រកួតឬនាទីណាឡើយ ដោយសារបញ្ហារបួសញ៉ាំញីជាប់រហូត៕ប្រភព Dailymail
