លោក Maurizio Sarri អ្នកចាត់ការក្រុម Chelsea បានបង្ហើបថា Eden Hazard អាចមិនបានចូលលេងនៅរាត្រីនេះទេ ដោយសារតែសាមីខ្លួនចង់មានពេលសម្រាក។
Chelsea នឹងត្រូវប៉ះជាមួយ PAOK នៅម៉ោង១១:៥៥នាទីយប់នេះ ក្នុងពានរង្វាន់ Europa League ។ មុនការប្រកួតគ្នានេះដែរ ក្រុមកំពូលតារាងនៅលីគអង់គ្លេស Chelsea បានបង្ហើបថាក្រុមរបស់ខ្លួនអាចនឹង
មិនមាន Hazard ឡើយ។ ចំពោះមូលហេតុ គឺដោយសារតែសាមីខ្លួនបានសុំអ្នកចាត់ការសម្រាកខ្លះ ព្រោះរូបគេមានអារម្មណ៍នឿយហត់ខ្លាំង ដោយការប្រកួតជាប់ៗគ្នាដូច្នេះ។
លោក Sarri បាននិយាយរឿងខាងលើថា៖ “Hazard មកប្រាប់ខ្ញុំថា គាត់ហត់ ព្រោះលេងនៅជម្រើសជាតិផង ក្លឹបផង និងមានកាលវិភាគជាប់គ្នាដូច្នេះ។ គាត់ចង់សម្រាកខ្លះ ហើយខ្ញុំក៏យល់ព្រមឱ្យគាត់សម្រាកខ្លះដែរ។ យើងនឹងចាំមើលលទ្ធផលនៅរាត្រីនេះទាំងអស់គ្នា”។
Hazard នៅរដូវកាលនេះ កាន់តែល្អជាងរដូវកាលមុនទៅទៀត ដោយបច្ចុប្បន្នរូបគេរកគ្រាប់បាល់បាន៥គ្រាប់ហើយឱ្យក្លឹបតោខៀវ គ្រប់ការប្រកួតទាំងអស់ ក្នុងនាមជាខ្សែបម្រើប្រយុទ្ធ៕ប្រភពDailyMail