ក្រុមហង្សក្រហម Liverpool នឹងត្រូវប្រកួតជាមួយក្រុម Atletico Madrid ក្នុងពានរង្វាន់ UEFA Champions League វគ្គសន្សំពិន្ទុតាមពូលនៅម៉ោង២រំលងអាធ្រាត្រនេះហើយ។
មុនការប្រកួតខាងលើនេះចាប់ផ្ដើម លោក Jurgen Klopp អ្នកចាត់ការក្រុម Liverpool បានបង្ហាញចំណាប់អារម្មណ៍ថាលោកមិនសូវជាចូលចិត្តក្បួនលេងរបស់ក្រុម AT Madrid ។ ក្រុមនៅអេស្ប៉ាញមួយនេះ ជំនាញខាងលេងការពារច្រើន ខណៈដែល Liverpool វិញចូលចិត្តលេងប្រយុទ្ធខ្លាំង។ តែយ៉ាងណា លោក Klopp ក៏អះអាងបន្ថែមថានេះជាបាល់ទាត់ ក្លឹបមានក្បួនលេងផ្សេងៗគ្នា និងត្រូវទទួលយក។
រំលឹកថាកាលពីឆ្នាំមុន ក្រុមទាំងពីរក៏បានប៉ះគ្នាផងដែរនៅវគ្គ១៦ក្រុម ដោយកាលនោះ AT Madrid ជាអ្នកទម្លាក់ក្រុម Liverpool បាននៅម៉ោងបន្ថែមក្នុងកីឡដ្ឋាន Anfield ផ្ទាល់តែម្ដង៕ប្រភព Dailymail
