ក្លឹប Newcastle United កំពុងចាប់អារម្មណ៍ចង់បានខ្សែប្រយុទ្ធ Mauro Icardi មករួមក្រុមបន្ថែមទៀតនាពេលខាងមុខនេះ បន្ទាប់ពីពួកគេទទួលបានកញ្ចប់ចំណាយដល់ទៅ២០០លានផោន។
ក្លឹបអង់គ្លេសខាងលើនេះ ត្រូវបានប្ដូរម្ចាស់ដឹកនាំហើយ។ ដោយលោក Mike Ashley បានលក់ឱ្យទៅព្រះអង្គម្ចាស់ Mohammad bin Salman ទៅហើយក្នុងតម្លៃ៣០៥លានផោន។ ការទទួលបានម្ចាស់ថ្មី ដែលជាអ្នកចាយលុយមិនស្ដាយនេះហើយ ទើបបានជាក្លឹបនេះចាប់ផ្ដើមមើលកីឡាករដើម្បីនាំចូលថ្មីហើយ។ ដោយក្នុងនោះខ្សែប្រយុទ្ធ Icardi ក៏ស្ថិតក្នុងបញ្ជីនាំចូលផងដែរ។
កីឡាករអាហ្សង់ទីនខាងលើ លេងឱ្យ PSG តែមិនសូវបានបង្ហាញខ្លួននោះទេ ដោយសារតែក្លឹបមួយនេះទើបនាំចូល Lionel Messi មករួមក្រុម។ ដូច្នេះហើយនេះជាឱកាសល្អសម្រាប់ Newcastle ប្រសិនបើព្រមតម្លៃខ្ពស់នោះ នឹងយកបានមិនខាន៕
ប្រភព៖ DailyMail
