Cristiano Ronaldo ត្រូវអាជ្ញាកណ្ដាលផ្ដល់កាតក្រហមចំពោះកាយវិការមិនសមរម្យរបស់ខ្លួន ប៉ះជាមួយកីឡាករខាងក្រុម Valencia កាលពីយប់មិញនេះ។
ក្រុម Juventus បានយកឈ្នះក្រុម Valencia ក្នុងលទ្ធផល ០-២ នៅយប់មិញនេះ បើទោះជាមានគ្នាត្រឹម១០នាក់ក៏ដោយ។ Ronaldo ទទួលបានកាតក្រហមត្រឹមនាទី២៩ ក្រោយពីប៉ះគ្នាជាមួយ
កីឡាករ Jeison Murillo ។ នៅគ្រានោះ គេឃើញ ថាខ្សែការពាររូបនេះដួល ហើយត្រូវ Ronaldo បោចសក់ឡើងវិញ។ អាជ្ញាកណ្ដាលឃើញដូច្នេះ ក៏សម្រេចចិត្តផ្ដល់កាតក្រហមដល់ Ronaldo តែម្ដង។
ក្រោយទទួលបានកាតនេះ ខ្សែប្រយុទ្ធវ័យ៣៣ឆ្នាំមិនអស់ចិត្តឡើយ ព្រោះថាវាមិនមានកំហុសអ្វីធ្ងន់រហូតដល់បានកាតក្រហមនោះទេ។ សាមីខ្លួន យំដើរចេញពីទីលាន ទាំងមិនអស់ចិត្ត ហើយ
អ្នកគាំទ្រ ក៏យល់ឃើញថាត្រង់នេះ មិនសមបានកាតក្រហមដែរ គួរតែបានកាតលឿង ឬព្រមានអីគ្រប់គ្រាន់ហើយ៕ប្រភពDailyMail
