បិសាចក្រហម Manchester United នឹងត្រូវប៉ះជាមួយក្រុម Young Boys នៅរាត្រីនេះ ក្នុងការប្រកួតសន្សំពិន្ទុ ពានរង្វាន់ UEFA Champions League ។
ការប្រកួតនេះដែរ នឹងត្រូវធ្វើឡើងនៅទឹកដីរបស់ Young Boys ដោយកីឡដ្ឋានរបស់គេនោះគឺប្រើស្មៅសិប្បនិមិត្តប៉ុណ្ណោះ មិនមែនស្មៅធម្មជាតិឡើយ។ បើទោះជាយ៉ាងនេះក្ដី លោក Jose Mourinho អ្នកចាត់ការក្រុមបិសាចក្រហម Man Utd យល់ឃើញថាវាមិនប៉ះពាល់ដល់ការប្រកួតនោះទេ ក្រុមរបស់លោកនឹងយកឈ្នះការប្រកួតបើកឆាកនេះឱ្យបាន។
អ្នកចាត់ការល្បីឈ្មោះរូបនេះ បាននិយាយទៀតថា Young Boys ជាក្រុមមិនអាចមើលស្រាលបានឡើយ។ ពួកគេលេងបានល្អនៅក្នុងដីរបស់ខ្លួន ហើយការប្រកួតនៅរាត្រីនេះក៏នឹងមិនងាយស្រួលសម្រាប់ក្រុម Man Utd ដែរ។ ក្រុមបិសាចក្រហម នឹងដាក់ជម្រើសកីឡាករល្អបំផុត សម្រាប់យក៣ពិន្ទុនៅយប់នេះ៕ប្រភព៖ dailymail
