កាលពីចុងសប្ដាហ៍កន្លងទៅ មានដំណឹងថា Floyd Mayweather និង Manny Pacquiao បាននិយាយគ្នាក្រៅផ្លូវការ នៅប្រទេសជប៉ុន ថានឹងប៉ះគ្នាម្ដងទៀតនៅចុងឆ្នាំនេះ។
Floyd ជាមួយ Pacman នេះ បានប៉ះគ្នាម្ដងហើយកាលពីឆ្នាំ២០១៥កន្លងទៅ ដោយគ្រានោះ Floyd ឈ្នះដោយពិន្ទុ ប៉ុន្តែរងការរិះគន់ច្រើន ព្រោះវាយថយ។ យ៉ាងណាមិញ ការប្រកួតរវាងអ្នក
ទាំងពីរនេះ បានក្លាយជាការប្រកួតមានតម្លៃថ្លៃបំផុតក្នុងប្រវត្តិប្រដាល់។ ដោយគ្រាន់តែ Floyd ម្នាក់ឯងរកបាន២៥០លានដុល្លារ ទៅហើយ ខណៈដែល Pacquiao រកប្រមាណ១០០លានដុល្លារ។
ដោយឡែកនៅពេលនេះវិញ មានដំណឹងមកថា ភ្នាក់ងារទីផ្សាររបស់កីឡាករទាំងពីរ កំពុងជជែកគ្នាក្នុងការបង្កើតការប្រកួតជាលើកទី២ទៀតហើយ។ Floyd ផ្ទាល់បានចេញមុខមក
និយាយថាខ្លួននឹងត្រលប់ចូលសង្វៀនវិញ ដើម្បីតតាំងជាមួយ Pacman ជាថ្មី។ ក្នុងនោះ អ្នកប្រដាល់អាមេរិក និយាយថានឹងប្រកួតចុងឆ្នាំនេះ ប្រសិនបើរៀបចំទាន់។ ស្របពេល Pacquiao
ក៏រង់ចាំឱកាសនោះមកដល់ឆាប់ៗនេះដែរ។ ប្រភពកៀកកិតនឹងអ្នកទាំងពីរខាងលើ បានបង្ហើបថាការប្រកួត អាចនឹងធ្វើឡើងនៅថ្ងៃទី១ឬទី៨ខែធ្នូឆ្នាំ២០១៨ខាងមុខនេះ នៅទឹកដីអាមេរិកដដែល៕ប្រភពDailyMail
