គ្រូ PSV ​ថា ​កីឡាករ​របស់​ខ្លួន​អាច​នឹង​ឈ្លោះ​គ្នា ដណ្ដើម​អាវ Messi ​យប់​នេះ

លោក Van Bommel ​គ្រូ​បង្វឹក​របស់​ក្រុម PSV ​រំពឹង​កីឡាករ​របស់​ខ្លួន ​មិន​ឈ្លោះ​គ្នា​រឿង​សុំ​ដូរ​អាវ​ជាមួយ​ខ្សែ​ប្រយុទ្ធ Lionel Messi ​នៅ​យប់​នេះ​ទៅ​ចុះ។

ក្រុម PSV ​នឹង​ទៅ​លេង​នៅ​ទឹក​ដី FC Barcelona ​ក្នុង​ការ​បើក​ឆាក​ពាន​រង្វាន់ UEFA Champions League ​នៅ​យប់​នេះ។ ក្នុង​សន្និសីទ​កាសែត​មុន​ការ​ប្រកួត  ​លោក Bommel ​គ្រូ​បង្វឹក​របស់ PSV ​បាន​និយាយ​ថា​កូន​របស់​ខ្លួន​ត្រៀម​ខ្លួន​រួច​ជា​ស្រេច​សម្រាប់​ការ​ប្រកួត​សំខាន់​មួយ​នេះ។ លេង​នៅ​ទឹក​ដី​អេស្ប៉ាញ ​មិន​មែន​ជា​រឿង​ងាយ​ស្រួល​ទេ ដូច្នេះ​កូន​ក្រុម​ទាំង​អស់​នឹង​ប្រុងប្រយ័ត្ន​បំផុត។

រឿង​មួយ​ដែល​អតីត​កីឡាករ​ជម្រើស​ជាតិ​ហុល្លង់​ខាង​លើ​បារម្ភ​គឺ ​កីឡាករ​របស់​ខ្លួន​តែ​ម្ដង។ លោក​រំពឹង​ថា​ពួកគេ​មិន​ឈ្លោះ​គ្នា​ក្នុង​ការ​ដណ្ដើម​យក​អាវ​របស់ Messi ​ទៅ​ចុះ ​នៅ​ចប់​តង់​ទី​១។ ​លោក ​ដឹង​ច្បាស់​ថា​កីឡាករ​របស់​ខ្លួន ​នឹង​ធ្វើ​ការ​ដូរ​អាវ​ជាមួយ​កីឡាករ​លេខ​១០​​របស់​ក្រុម​អ្នក​មាន​បុណ្យ​នេះ ទើប​សុំ​ឱ្យ​ពួកគេ​កុំ​ប្រជែង​គ្នា​ក្នុង​ការ​ទៅ​ដូរ​អាវ​នោះ។

សូម​បញ្ជាក់​ថា Barcelona ​និង PSV ​បើក​រដូវ​កាល​នេះ ​ពិត​ជា​បាន​ល្អ​ដូច​គ្នា ​ដោយ​មិន​ទាន់​ស្គាល់​ពាក្យ​ថា​ចាញ់​នោះ​ទេ៕ប្រភព៖ SMH

ភ្ជាប់ទំនាក់ទំនងជាមួយ CTS SPORT