ក្រុមកាំភ្លើងធំ Arsenal បានយកឈ្នះលើក្រុម AFC Wimbledon ក្នុងលទ្ធផល ៣-០ សម្រាប់ការប្រកួតពានរង្វាន់ Carabao Cup នៅយប់មិញនេះ។
សម្រាប់ការប្រកួតនេះដែរ ក្រុមរបស់លោក Mikel Arteta បានធ្វើការផ្លាស់ប្ដូរកីឡាករដល់ទៅ១០នាក់ឯណោះដើម្បីលេងពានរង្វាន់ខាងលើ។ ជាលទ្ធផល ពួកគេនៅតែបន្ដធ្វើបានល្អដដែល ដោយយកឈ្នះលើក្រុម AFC Wimbledon ក្នុងលទ្ធផលដល់ទៅ ៣-០។ ដោយ៣គ្រាប់នោះ រកបានដោយ Lacazette នាទី១១ Smith Rowe នាទី៧៧ និង Nketiah នៅនាទី៨០។
ឃើញថា Arsenal នៅ៣ប្រកួតចុងក្រោយនេះពួកគេធ្វើបានល្អយកឈ្នះដៃគូបានទាំង៣ និងបិទមិនឱ្យគេស៊ុតចូលនោះទេ។ ក្រុមរបស់លោក Arteta នេះបើករដូវកាលមិនបានល្អ តែឃើញពួកគេចាប់ផ្ដើមប្រមូលអារម្មណ៍លេងបានល្អប្រសើរវិញហើយ៕ ប្រភព៖ DailyMail
