អ្នកនយោបាយក៏នៅតែមិនអាចឃ្លាតឆ្ងាយពីវិស័យកីឡា ជាក់ស្តែងដូចកន្លងទៅនេះ អនុប្រធានាធិបតីប្រទេសស៊ូរីណាម ជាប្រទេសស្ថិតនៅទ្វីបអាហ្វ្រិក បានបង្ហាញខ្លួនក្នុងការប្រកួតឲ្យក្លឹបដែលមានឈ្មោះលោកជាម្ចាស់ រយៈពេលជិត ១ ម៉ោង។
នោះគឺក្លឹប Inter Moengotaope ដែលកាន់កាប់ដោយអនុប្រធានាធិបតី លោក Ronnie Brunswijk ដែលបានចូលកាន់តំណែងតាំងតែពីឆ្នាំ ២០២០។ បុរសវ័យ ៦០ ឆ្នាំ បានចូលរួមក្នុងការប្រកួតទល់ក្លឹប Olimpia របស់ប្រទេសហុងឌុយរ៉ាស់។ តាមស្ថិតិពីប្រភពគួរឲ្យទុកចិត្ត លោក Ronnie មានស្ថិតិបញ្ជូនបាល់ជោគជ័យ ១៤ លើកក្នុងចំណោមការបញ្ជូនចេញពីជើង ១៧ លើកសរុប។
https://twitter.com/i/status/1440459806330916883
បញ្ជាក់ថា នៅការប្រកួតជើងទី ២ ក៏នឹងកៀកចូលមកដល់នៅថ្ងៃខាងមុខនេះ ហើយមិនទាន់ច្បាស់ថា បុរសវ័យ ៦០ ឆ្នាំខាងលើនឹងបន្តចូលរួមឬអត់នោះទេ តែវត្តមានកូនប្រុសលោក គឺ Damian ទំនងជានៅតែមាន បន្ទាប់ពីជើងទី ១ ចូលរួមលេងដែរ នៅតំណែងប្រយុទ្ធ៕
ប្រភព៖ SportBible