ខ្សែប្រយុទ្ធ Joao Felix ទទួលបានកាតក្រហមពីអាជ្ញាកណ្ដាល ក្រោយពីរូបគេបានស្រែកនិងប្រើពាក្យសម្ដិមិនសមរម្យក្នុងការប្រកួតទល់ក្រុម Atletic Club នៅយប់មិញនេះ។
សម្រាប់ការប្រកួតនេះដែរ ខ្សែប្រយុទ្ធវ័យក្មេងសញ្ជាតិព័រទុយហ្គាល់ខាងលើប្ដូរចូលជំនួសកីឡាករ Correa នៅនាទី៦០។ ឈានដល់នាទី៧៨ រូបគេក៏បានបង្កកំហុសបានកាតលឿងមួយ។ ការបានកាតនេះហើយធ្វើឱ្យសាមីខ្លួនមិនសប្បាយចិត្តនោះទេ រហូតតវ៉ាជាមួយអាជ្ញាកណ្ដាលនិងស្រែកដាក់ថា “តើអ្នកឆ្គួតឬ?”។ សម្ដីនេះហើយ ទើបបានជារូបគេត្រូវទទួលបានកាតលឿងមួយទៀត ដែលស្មើនឹងកាតក្រហមបណ្ដេញចេញតែម្ដង។
ត្បិតតែមានកីឡាករកាតក្រហមម្នាក់មែន ប៉ុន្តែសម្រាប់ក្រុម AT Madrid នៅតែរក្សាសំណាញ់ទីបានដដែល ដោយស្មើជាមួយក្រុម Atletic Club ក្នុងលទ្ធផល ០-០។ ៥ប្រកួតក្នុងលីគកន្លងមកនេះ ពួកគេមាន១១ពិន្ទុ និងកំពុងឈរនៅកំពូលតារាងបណ្ដោះអាសន្ន៕ប្រភព Dailymail
