ខ្សែប្រយុទ្ធ Mohamed Salah បន្ដជួយក្រុមហង្សក្រហម Liverpool រកបាន១គ្រាប់ក្នុងជ័យជម្នះលើក្រុម Crystal Palace លទ្ធផល ៣-០ ក្នុងពានរង្វាន់ English Premier League។
ក្រុមរបស់លោក Jurgen Klopp ចាប់ផ្ដើមលេងល្អឡើងវិញទៀតហើយនៅយប់មិញនេះ ពួកគេយកឈ្នះលើក្រុម Crystal Palace បានក្នុងលទ្ធផលដល់ទៅ ៣-០ ឯណោះ។ ដោយ៣គ្រាប់ដែលពួកគេរកបាននោះចេញពីជើងរបស់ Mane ១គ្រាប់ Salah ១គ្រាប់ និង Keita ១គ្រាប់ទៀត។ សម្រាប់ការប្រកួតនៅលីគនេះដែរ ក្រុមហង្សក្រហមបានផ្លាស់ប្ដូរសមាសភាព៦រូបឯណោះពីជម្រើសទល់ក្រុម AC Milan កន្លងទៅ តែលទ្ធផលពួកគេនៅតែអាចយកឈ្នះបានដដែល។
ទទួលបាន៣ពិន្ទុបន្ថែមទៀតនេះដែរ ក្រុម Liverpool បានឡើងមកលេខ១ក្នុងកំពូលតារាង Premier League វិញហើយ ដោយមាន១៣ពិន្ទុឆ្លងកាត់ការប្រកួត៥ប្រកួតមកនេះ៕ប្រភព Dailymail
