Maurizio Sarri អ្នកចាត់ការក្រុម Chelsea និយាយថា Eden Hazard នឹងរកគ្រាប់បាល់បានលើស៤០គ្រាប់នៅរដូវកាលនេះ ក្រោយពីបង្ហាញសមត្ថភាពល្អខ្លាំងប៉ុន្មានប្រកួតកន្លងមក។
Hazard រកបាន៣គ្រាប់ម្នាក់ឯង ឱ្យក្រុម Chelsea យកឈ្នះ Cardiff ៤-១ កាលពីចុងសប្ដាហ៍កន្លងទៅ។ ជ័យជម្នះនេះ គឺធ្វើឱ្យតោខៀវ ឡើងឈរកំពូលតារាងលីគហើយ ដោយមាន១៥ពិន្ទុ
ស្មើ Liverpool ដែរ តែឈ្នះគ្រាប់បាល់ចំណេញ។ រកបាន៣គ្រាប់នេះ បានធ្វើឱ្យលោក Sarri ហៅកីឡាករបែលហ្សិករូបនេះ ជាកីឡាករល្អបំផុតនៅតំបន់អឺរ៉ុប។
លើសពីនេះទៀតលោក អ្នកចាត់ការដែលតែងតែជក់បារីខាងលើ ក៏ដាក់គោលដៅដែរថា ខ្សែបម្រើរូបនេះ នឹងជួយក្រុមបានច្រើនមែនទែននារដូវកាលនេះ ហើយរូបគេអាចនឹងរកគ្រាប់
បាល់បានលើស៤០គ្រាប់ទៀតផង។ ក្ដីរំពឹងខ្ពស់ ដោយសារតែ Hazard លេងសហការគ្នាល្អជាមួយមិត្តរួមក្រុមដទៃទៀត៕ប្រភពDailyMail