សហព័ន្ធបាល់ទាត់អន្តរជាតិ FIFA បានអះអាងថាក្រោយពីស្ទង់មតិជាច្រើនមកឃើញថាមានការគាំទ្រច្រើនចំពោះគំនិតចង់លេងពានរង្វាន់ World Cup ២ឆ្នាំម្ដង។
បន្ទាប់ពីមានការប្រជុំចង់បង្កើតពានរង្វាន់ World Cup ២ឆ្នាំម្ដងមក ខាង FIFA ក៏ចាប់ផ្ដើមធ្វើការស្ទង់មតិនិងរកឃើញថាមានការគាំទ្រច្រើនចំពោះគំនិតនេះ។ ដោយការស្ទង់មតិនោះទៅលើមនុស្សប្រមាណ២៣ ០០០នាក់ចេញពី២៣ប្រទេស ហើយ១៥ ០០០នាក់ទៅហើយដែលចង់ឱ្យមាន World Cup លេង២ឆ្នាំម្ដង។
តែទោះជាយ៉ាងនេះក្ដី ការចង់បង្កើតពាន២ឆ្នាំម្ដងនេះ ក៏មានការប្រឆាំងពីខាងសហព័ន្ធបាល់ទាត់តាមបណ្ដាទ្វីបនានាផងដែរ។ ព្រោះប្រសិនបើលេង២ឆ្នាំម្ដងមែន ការប្រកួតពានអន្ដរជាតិតាមទ្វីបដូចជា Euro អីជាដើមនោះ នឹងពិបាករៀបចំមិនខាន។ ខណៈដែលខាងកីឡាករវិញ ក៏មិនពេញចិត្តចំពោះវិធានការលេងបែបនេះដែរ៕ប្រភព Dailymail
