Douglas Costa អាចនឹងត្រូវពិន័យធ្ងន់ធ្ងរ បន្ទាប់ពីរូបគេស្ដោះទឹកមាត់ដាក់មុខកីឡាកររបស់ក្រុម Sassuolo កាលពីយប់មិញនេះ។
ក្រុម Juventus បានយកឈ្នះលើក្រុម Sassuolo ក្នុងលទ្ធផល ២-១ នាការប្រកួតលីគកំពូលអ៊ីតាលី នាយប់មិញនេះ។ ក្នុងការប្រកួតនោះដែរ អ្នកគាំទ្រសប្បាយចិត្ត ដោយសារតែ Cristiano
Ronaldo រកបាន២គ្រាប់ម្នាក់ ក្រោយខកខានច្រើនប្រកួត។ តែផ្ទុយពីការសប្បាយចិត្ត ក្រុម Juventus ក៏អាចនឹងបាត់បង់កីឡាករសំខាន់ម្នាក់ច្រើនប្រកួតផងដែរ ក្រោយពីរូបគេបង្ហាញកាយវិការមិនសមរម្យទៅលើកីឡាករក្រុមម្ខាងទៀត។
Costa ដែលជាកីឡាករសំខាន់ម្នាក់ក្នុងក្រុម ទទួលបានកាតក្រហមនៅចុងម៉ោង ក្រោយពីមានការប៉ះទង្គិចគ្នាជាមួយកីឡាករខាង Sassuolo ។ មិនត្រឹមតែប៉ះធម្មតាទេ គឺកីឡាករប្រេ
ស៊ីលរូបនេះ បានស្ដោះទឹកមាត់ដាក់គេតែម្ដង ដែលជាការវិការមើលងាយទៅលើដៃគូប្រកួត។ ក្រោយពីបានកាតក្រហមនោះមក Costa អាចនឹងរងពិន័យបន្ថែមទៀត ដោយសារតែអំពើរបស់ខ្លួននេះ៕ប្រភពDailyMail
