លោក Ronald Koeman ថាប្រកួតទល់ក្រុម Bayern Munich នៅយប់មិញនេះ លោកមានជម្រើសខ្សែប្រយុទ្ធតែ៣នាក់ប៉ុណ្ណោះសម្រាប់ដាក់ឱ្យលេង។
ក្រុម Barcelona មិនអាចស្ដារមុខមាត់ទល់ក្រុម Bayern Munich វិញបាននោះទេ ដោយបន្ដបរាជ័យក្នុងលទ្ធផល ៣-០ ទៀតក្នុងទឹកដីខ្លួនឯង។ ការប្រកួតនោះដែរក្រុមអ្នកមានបុណ្យមិនមានឱកាសទាល់តែសោះដោយស៊ុតមិនចំគោលដៅសូម្បីតែមួយជើង។ ខណៈដែលក្រុមនេះ រង់ចាំតែឱកាសការពារវាយបកវិញប៉ុណ្ណោះ មិនមានស្ថិតិគ្រប់គ្រងបាល់ដូចរាល់ដងឡើយ។
ចំពោះរឿងនេះដែរ លោក Ronald Koeman អ្នកចាត់ការក្រុម Barcelona បាននិយាយថាបញ្ហារបួសធ្វើឱ្យលោកពិបាកក្នុងការរើសកីឡាករលេង។ នៅតំបន់ប្រយុទ្ធ នៅសល់ត្រឹម៣នាក់ប៉ុណ្ណោះដែលអាចលេងបាន ក្រៅពីនោះរបួសទាំងអស់។ ខណៈដែលសមាជិកដទៃទៀតក៏ល្អមិនគ្រប់គ្រាន់ដែរ។ ដោយនិយាយជារួមមក Barcelona នៅមិនទាន់ល្អដូចក្រុម Bayern Munich នោះទេ៕ប្រភព Dailymail
