Cristiano Ronaldo រកឃើញគ្រាប់បាល់ដំបូងឱ្យក្រុម Juventus ហើយកាលពីយប់មិញនេះ ក្នុងការប្រកួតដែលយកឈ្នះលើ Sassuolo ២-១។
ឆ្លងកាត់៣ប្រកួតមុននោះ Ronaldo រកមិនបាន១គ្រាប់សោះ បើទោះជាមានឱកាសល្អច្រើនយ៉ាងណាក្ដី។ យ៉ាងណាមិញ ការប្រកួតយប់មិញនេះ រូបគេអាចទម្លាយសំណាញ់ទីបានវិញហើយ ដោយរកបាន២គ្រាប់តែម្ដង ក្នុងជ័យជម្នះ២-១។ កីឡាករវ័យ៣៣ឆ្នាំរូបនេះ ក៏បាននិយាយដែរថា សម្ពាធបានកើតឡើងមកលើខ្លួន ក្រោយពីរកគ្រាប់បាល់មិនបាន ប៉ុន្តែក្រោយពីរកគ្រាប់បាល់បាននៅយប់មិញ អ្វីគ្រប់យ៉ាងបានត្រលប់មករកភាពល្អវិញហើយ។
លោក Massimiliano Allegri អ្នកចាត់ការក្រុម Juventus បាននិយាយដែរថា គ្រាប់បាល់របស់ Ronaldo នេះ នឹងធ្វើឱ្យអ្នកគាំទ្រសប្បាយចិត្តវិញ។ ពួកគេទន្ទឹមរង់ចាំមើលស្ដាយអបអរនេះ ជាមួយអាវ Juventus ច្រើនប្រកួតមកហើយ៕ប្រភពDailyMail
