បិសាចក្រហមបានយកឈ្នះក្រុម Watford ក្នុងលទ្ធផល ២-១ នាការប្រកួតសប្ដាហ៍ទី៥លីគកំពូលអង់គ្លេស English Premier League កាលពីយប់មិញនេះ។
២គ្រាប់របស់បិសាចក្រហម រកបានដោយខ្សែប្រយុទ្ធ Lukaku ១គ្រាប់ និងខ្សែការពារ Smalling ១គ្រាប់នៅតង់ទី១។ លោក Jose Mourinho បាននិយាយចំពោះការប្រកួតនោះថា ក្រុមកីឡាករទាំងមូលប្រមូលអារម្មណ៍បានល្អ ជាពិសេសលោកសរសើរចំពោះ Marouane Fellaini ដែលជាកីឡាករសំខាន់ក្នុងការប្រកួត។
ចំពោះ Smalling វិញ លោក Jose ក៏បាននិយាយដែរថាជាខ្សែការពារល្អម្នាក់សម្រាប់ក្រុមទាំងមូល។
ប៉ុន្តែរឿងមួយដែលលោកមិនពេញចិត្តចំពោះ Smalling នោះគឺម៉ូដសក់ថ្មីរបស់គេតែម្ដង។ លោកបាន ប្រាប់រឿងនេះ ត្រង់ៗទៅខ្សែការពារអង់គ្លេសរូបនេះ។ ១គ្រាប់យប់មិញនេះ គឺជាគ្រាប់បាល់ដំបូងរបស់គេ តាំងពីខែមេសាមក៕ប្រភព៖ DailyMail