Firmino ៖ ​សំណាង​ណាស់ ដែល​ភ្នែក​ខ្ញុំ​មិន​មាន​បញ្ហា​ធ្ងន់ធ្ងរ

Roberto Firmino ​បាន​ប៉ះ​ទង្គិច​គ្នា​ជាមួយ​កីឡាករ Jan Vertonghen ​ជា​ខ្លាំង​នៅ​ត្រង់​ភ្នែក​របស់គេ ​ដែល​មិន​អាច​បន្ដ​ការ​ប្រកួត​បាន។

ក្នុង​ការ​ប្រកួត​ដែល Liverpool ​យក​ឈ្នះ​លើ Spurs ​២-១ ​នៅ​ល្ងាច​ម្សិលមិញ​នេះ។ ​ខ្សែ​ប្រយុទ្ធ​ប្រេស៊ីល Firmino ​បាន​ប៉ះ​ទង្គិច​គ្នា​ជាមួយ Vertonghen ​ដោយ​ប្រជែង​យក​បាល់ ប៉ុន្តែ​ក៏​ជ្រុង​ដៃ​ត្រូវ​ភ្នែក​ជា​ខ្លាំង។

ក្រោយ​ពី​ប៉ះ​គ្នា​នោះ​ដែរ ​ក្រុម​គ្រូ​ពេទ្យ​របស់ Liverpool ​បាន​ទៅ​ពិនិត្យ​និង​តម្រូវ​ឱ្យ​កីឡាករ​ជម្រើស​ជាតិ​ប្រេស៊ីល​រូប​នេះ ​ទៅ​មន្ទីរ​ពេទ្យ​ភ្លាម​ៗ​តែ​ម្ដង។

ក្លឹប​បាន​ចេញ​សេចក្ដី​ប្រកាស​ចំពោះ​រឿង​នេះ​ដែរ​ថា ភ្នែក​របស់ Firmino ​ត្រូវ​តាមដាន​បន្ដ​ទៀត ប៉ុន្តែ​មិន​មាន​បញ្ហា​រហូត​ដល់​ខ្វាក់​នោះ​ទេ ​ដោយ​គ្រាន់​តែ​ប៉ះ​សរសៃ​ភ្នែក​ខាង​ក្រៅ​ប៉ុណ្ណោះ។

រូបគេ​នឹង​ត្រលប់​មក​ព្យាយាល​នៅ​ផ្ទះ​របស់​ខ្លួន​វិញ​បាន ​ដោយ​មិន​ចាំ​បាច់​សម្រាក​នៅ​មន្ទីរពេទ្យ​ទេ៕ប្រភព៖ DailyMail

 

ភ្ជាប់ទំនាក់ទំនងជាមួយ CTS SPORT