ខ្សែប្រយុទ្ធ Cristiano Ronaldo បានធ្វើដំណើរទៅដល់ប្រទេសអង់គ្លេសហើយ តែមិនទាន់អាចបង្ហាញខ្លួនឱ្យក្រុមបិសាចក្រហម Manchester United នោះទេ។
ប្រភពនៅអង់គ្លេសបានបញ្ជាក់ថា Ronaldo បានសម្រេចចាកចេញពីក្រុមជម្រើសជាតិព័រទុយហ្គាល់ដើម្បីមកអង់គ្លេសនេះត្រៀមលេងឱ្យ Man Utd វិញ។ ដោយរូបគេមកដល់នឹងត្រូវធ្វើចត្ដាឡីស័កចំនួន៥ថ្ងៃទៀត ទើបអាចទៅជួបជាមួយក្រុមការងាររបស់លោក Ole បាន ក៏ដូចជាហ្វឹកហាត់ជាមួយសមាជិកក្រុមដទៃទៀត។
ដោយមុនការមកអង់គ្លេសនេះដែរ Ronaldo ក៏បានរកគ្រាប់បាល់២គ្រាប់ជួយក្រុមព័រទុយហ្គាល់ដើម្បីយកឈ្នះលើក្រុមអៀរឡង់ក្នុងការប្រកួតជម្រុះ World Cup 2022 ផងដែរ។ បន្ថែម២គ្រាប់នោះទៀត ពេលនេះខ្សែប្រយុទ្ធវ័យ៣៦ឆ្នាំបានក្លាយជាអ្នករកគ្រាប់បាល់លើឆាកអន្តរជាតិបានច្រើនជាងគេបំផុតក្នុងប្រវត្តិសាស្ត្រហើយ៕ប្រភព Dailymail
