លោក Arsene Wenger អតីតអ្នកចាត់ការក្រុម Arsenal បានផ្ដល់ភាពជឿជាក់ថាក្រុមមួយនេះនឹងត្រលប់មកល្អឡើងវិញមិនខាន បើទោះជាចាប់ផ្ដើម៣ប្រកួតចាញ់ទាំង៣ក៏ដោយ។
ក្រោមការដឹកនាំរបស់លោក Mikel Arteta នារដូវកាលថ្មីនេះ ក្រុម Arsenal លេង៣ប្រកួតបើកឆាកចាញ់ទាំង៣ប្រកួត និងមិនទាន់ស៊ុតចូលដៃគូមួយគ្រាប់នោះទេ។ កត្តានេះហើយ បានធ្វើឱ្យអ្នកគាំទ្រមិនសប្បាយចិត្តសោះឡើយ ព្រោះក្លឹបចំណាយលុយច្រើនដែរ តែលេងមិនបានល្អសោះនារដូវកាលថ្មីនេះ។
តែយ៉ាងណាសម្រាប់លោក Wenger ដែលធ្លាប់ដឹកនាំកាំភ្លើងធំរាប់ឆ្នាំមកហើយនោះ មើលឃើញផ្សេងពីអ្នកគាំទ្រ។ លោកនិយាយថា៖ “ខ្ញុំអាយុ៧១ឆ្នាំ ខ្ញុំបានផ្ដល់ឱ្យក្លឹបនេះជាច្រើនឆ្នាំមកហើយក្នុងជីវិតខ្ញុំ។ នៅពេលនេះ ខ្ញុំគ្រាន់តែជាអ្នកគាំទ្រម្នាក់ប៉ុណ្នោះ។ បច្ចុប្បន្នក្លឹបកំពុងស្ថិតនៅលក្ខណៈល្អ។ ពួកគេប្រកួតប៉ះក្រុមខ្លាំង (Chelsea, Man City) ហើយខ្ញុំសង្ឃឹមថាពួកគេនឹងជាត្រលប់មកលេងល្អវិញនៅប្រកួតបន្ទាប់”៕ប្រភព Dailymail
