ខ្សែបម្រើ Miralem Pjanic ត្រូវបានក្រុម FC Barcelona ដាក់ឱ្យក្រុម Besiktas ខ្ចីជើងពេញ១រដូវកាល បន្ទាប់ពីរូបគេមិនមានឱកាសបង្ហាញខ្លួនសោះនៅ Camp Nou ។
ការដោះដូរកីឡាករនៅអេស្ប៉ាញបិទនៅថ្ងៃទី ៣១ខែសីហា ប៉ុន្តែនៅទួរគីអាចដោះដូរគ្នាបានដដែល ទើបបានជាក្រុម Besiktas អាចទាក់ទងខ្ចីជើង Pjanic ទៅបាន។ ពួកគេខ្ចី១រដូវកាល ដោយមិនបានភ្ជាប់ជាមួយលក្ខខណ្ឌទិញយកដាច់អ្វីនោះទេ។
កីឡាករវ័យ៣១ឆ្នាំខាងលើត្រូវបានក្រុម Barcelona នាំយកពីក្រុម Juventus តែតាំងពីផ្លាស់មកមិនមានឱកាសបានលេងឡើយ។ ដោយរដូវកាលមុនលេងបានត្រឹម៣០ប្រកួត ជាប់ជម្រើសដំបូង១៣ដង និងលេងបានពេញ៩០នាទីតែ៥ដងប៉ុណ្ណោះ។ កាលពីរដូវកាលដោះដូរកីឡាករកន្លងទៅ Barcelona ដាក់រូបគេលក់ដែរ ប៉ុន្តែមិនមានក្លឹបណាទិញយក៕ប្រភព Marca
