ក្រុមបាល់ទាត់ជម្រើសជាតិអេស្ប៉ាញបានបរាជ័យក្រោមថ្វីជើងក្រុមស៊ុយអែតក្នុងលទ្ធផល ២-១ សម្រាប់ការប្រកួតវគ្គជម្រុះ World Cup 2022 នៅយប់មិញនេះ។
អេស្ប៉ាញនៅយប់មិញ បាននាំមុខទៅលើក្រុមស៊ុយអែតមុនទៅហើយ តាំងពីនាទីទី៤ ដោយ Carlos Soler ។ តែ១នាទីបន្ទាប់ Isak ក៏រកគ្រាប់បាល់តាមស្មើវិញបានទៅហើយ។ ការប្រកួតឈានដល់នាទី៥៧ Claesson ក៏រកគ្រាប់បាល់នាំមុខទៅលើក្រុមអេស្ប៉ាញវិញ ហើយវាក៏ជាគ្រាប់បាល់ជ័យជម្នះក្នុងលទ្ធផល ២-១ ផងដែរ។
នេះជាបរាជ័យក្នុងវគ្គជម្រុះ World Cup ជាលើកដំបូងសម្រាប់ក្រុមអេស្ប៉ាញហើយចាប់តាំងពីឆ្នាំ១៩៩៣មក។ ខណៈដែលលោក Luis Enrique ថាកូនក្រុមលេងមិនសាមគ្គីជាក្រុមសោះប្រកួតនេះ ទើបបានជាទទួលការបរាជ័យ៕ប្រភព Marca
