ក្រោយការផ្ទេររបស់ឪពុកគឺ Cristiano Ronaldo មកកាន់ក្លឹប Man Utd ក្នុងទឹកដីអង់គ្លេស ដូច្នេះកូនប្រុស Junior ក៏នឹងត្រូវសម្របផ្លាស់ប្តូរការរស់នៅរបស់ខ្លួនទៅតាមនោះផងដែរ។ ជាក់ស្តែងដូចការហ្វឹកហាត់បាល់ ដែលកន្លងមកគេលេងឲ្យថ្នាលនៅ Juventus ឥឡូវត្រូវប្តូរមកលេងឲ្យ Man Utd វិញម្តង។
ប៉ុន្តែមកសារនេះ គេនឹងបានជួបមិត្តថ្មី ដែលជាកូនប្រុសបង្កើតរបស់ Wayne Rooney នោះគឺកុមារ Kai Rooney ដែលមានអាយុ ១១ ឆ្នាំ គិតទៅដំណាលគ្នានឹង Cristiano Junior ដែលជាកូនប្រុសរបស់ Ronaldo។
ការមករួបរួមរបស់កូនប្រុសអ្នកទាំងពីរសារនេះ កំពុងធ្វើឲ្យអ្នកគាំទ្រស្រមៃគិតថា ទៅថ្ងៃខាងមុខ Junior និង Kai ថាមិនត្រូវអាចលេងរួមគ្នា ដូចជំនាន់ Ronaldo&Rooney កាលពីអតីតកាលក៏ថាបាន។ កាលនោះអ្នកទាំងពីរឈរជើង ២០៦ ប្រកួត ឈ្នះពាន Premier League ៣ លើក និង Champions League ១ លើករាប់ជាដៃគូលេចធ្លោបំផុតនៅជំនាន់ឆ្នាំ ២០០៨។ ចុះទៅពេលអនាគត Junior និង Kai អាចដើរតាមគន្លងឪពុករបស់គេបានដែរឬទេ?
ប្រភព៖ SportBible