ខ្សែប្រយុទ្ធ Eden Hazard បានបញ្ជាក់ថារូបគេចង់ជួយក្រុម Real Madrid វិញ ព្រោះក្លឹបមួយនេះបានចំណាយប្រាក់ច្រើនណាស់ដើម្បីទិញយករូបគេ។
Hazard នៅមិនទាន់អាចជួយអ្វីច្រើនដល់ក្រុម Real Madrid នោះទេក្នុងរយៈពេល២ឆ្នាំមកនេះ។ អតីតកីឡាករ Chelsea ផ្លាស់មកដល់ភ្លាម មានបញ្ហារបួសជាប់ជានិច្ច មិនសូវបានលេងទៀងទាត់ទេ។ រហូតដល់រដូវកាលនេះមានដំណឹងថាក្រុមអធិរាជស មានបំណងចង់លក់ចេញថែមទៀតផង។
តែបើតាមសាមីខ្លួនវិញបានបញ្ជាក់ថា៖“Real Madrid បានចំណាយប្រាក់ច្រើនណាស់លើខ្ញុំ ខ្ញុំចង់ជួយពួកគេវិញ។ ខ្ញុំចុះកុងត្រា៥ឆ្នាំ ២ឆ្នាំដំបូងវាមិនល្អគ្រប់គ្រាន់ ប៉ុន្ដែខ្ញុំនៅសល់៣ឆ្នាំទៀតដើម្បីបង្ហាញគ្រប់គ្នា។ ខ្ញុំសង្ឃឹមថាវានឹងធ្វើការបានល្អ ខ្ញុំសង្ឃឹមថាពេលក្រោកឡើងខ្ញុំអាចស្ថិតក្នុងស្ថានភាពល្អប្រសើរសម្រាប់ការហ្វឹកហាត់”៕ប្រភព Marca
