ក្រុមបាល់ទាត់ Paris St Germain បានយកឈ្នះលើក្រុម Etienne ក្នុងលទ្ធផល ៤-០ នៃការប្រកួតលីគកំពូលរបស់បារាំង ដោយពុំមានវត្តមានរបស់តារាឆ្នើម Neymar និង Mbappe ឡើយ។
អ្នកចាត់ការ Thomas Tuchel បានផ្លាស់ប្ដូរកីឡាករមួយចំនួនដូចជា Neymar និង Mbappe មិនមានវត្តមានក្នុងការលេងនៅយប់មិញឡើយ។ ដោយការទុកជើងនេះ គឺដើម្បីត្រៀមជួបក្រុមខ្លាំង Liverpool នៅពានរង្វាន់ UEFA Champions League នៅថ្ងៃអង្គារ៍សប្ដាហ៍ក្រោយនេះ។ ការទុកកីឡាករសំខាន់នេះដែរ បានធ្វើឱ្យក្រុម PSG លេងមិនបានល្អប៉ុន្មាននោះទេ នៅតង់ទី១។
យ៉ាងណាមិញ វត្តមានរបស់ Julian Draxler, Edinson Cavani, Angel Di Maria នៅតែអាចទម្លាយសំណាញ់ទីរបស់ក្រុម Etienne បានដដែល រហូតដល់ស្វែងរកគ្រាប់បាល់ដល់៤គ្រាប់ឯណោះ។ ដោយជ័យជម្នះនេះ គឺជាការឈ្នះ៥ប្រកួតជាប់គ្នា ក្នុង៥ប្រកួតរបស់លោក Tuchel ហើយ៕ប្រភពDailyMail